消防处2025年月曆出炉，相信唔少市民，尤其係女士都好期待今年有边啲猛男出现。消防处都好大方，派咗4位猛男赤膊上阵，大派福利。
今年月曆嘅主题係「救灾扶危 为民解困」，靓相取材自消防处3个职系嘅工作日常，突显嚟自消防、救护同埋调派及通讯课嘅人员时刻紧密合作，各司其职，一齐守护香港市民。消防处喺社交网站分享短片，率先预告某啲月份嘅靓相。最瞩目嘅莫过于其中4个月份有大只猛男谷肌上阵，非常养眼呀。
消防处稍后会公布下载详情唔只有猛男睇嘅，仲有女消防员抱住猫仔嘅相，望落好温馨。另外，仲有消防车、救护车嘅相。不过，心急嘅大家要等多阵，先可以喺消防处流动应用程式同埋网页下载月曆，消防处之后会公布下载详情。
原文刊登于 AM730 https://www.am730.com.hk/本地/消防处月曆2025面世-消防员赤膊上阵大骚肌肉-ray-online/513752?utm_source=yahoorss&utm_medium=referral
其他人也在看
