邓丽欣（Stephy）早前宣布2025年3月踏上红馆，举行首个个人红馆演唱会《STEP by STEPHY 邓丽欣红馆演唱会2025》，优先购票更火速售罄后，其后宣布喺3月16日加开一场！好姊妹吴雨霏（Kary）噚晚（5日）出席圣诞亮灯活动，除咗预告圣诞将与家人出埠之外，仲话会去支持Stephy红馆演唱会及表示Cookies有望红馆重聚？
被问到会唔会做演唱会嘉宾，Kary就话要等Stephy公布，不过见到Stephy可以梦想成真，好戥好姊妹开心，同时Kary表示自己有啲技痒，不过屋企有三个小朋友，所以要学识点样分配时间先。不过佢亦都话红馆开个唱係其中一个目标。
至于如果Stephy要佢哋再跳《心急人上》嘅话，Kary就话呢个会好爆，唱就一个可以唱到。不过要集齐9位成员就有啲难度，不过佢就觉得冇嘢冇可能，要睇Stephy可唔可以call得齐人，佢仲话觉得如果可以喺红馆做到係好有意义。
按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
