《得宠先生》上映十天票房已突破250万港元，谈论度越来越高，不少看过电影都讚题材特别，故事感人，有笑有泪，尤其是戏中狗狗演员，个个都精灵可爱，演技爆发。近日随电影团队四出谢票的女主角卢慧敏（Amy）得知票房成绩节节上升，叫好叫座表示好兴奋。
前晚Amy再出动到将军澳的戏院「人宠共融」场次谢票，有些身形较大的狗狗坐在主人座位旁边，有些小狗狗被主人抱在怀裏，场面温馨。其中有观众带着两只狗狗入场，她说：「好有共鸣，尤其是渔护署嗰幕，因为佢两个（指狗狗）都係从渔护署救出嚟，所以我由头喊到落尾！」而另一位观众说：「我都係领养唐狗，好有共鸣，呢部电影好真挚。」
完场后，Amy蹲在地上逐一与观众和狗狗合照留念，有一只狗狗与《得宠先生》饰演「烧腩」的狗狗演员Little很似，Amy表示惊叹，牠叫「妹妹」一岁半，但像BB一样细胆害羞。而另一只狗狗就特别热情，对Amy一见如故，飞扑到她身上，咬她外套上的小狗毛公仔又狂锡她，凼得Amy哈哈大笑。Amy说：「佢好活跃、好兴奋，影相时扑埋嚟咬住我（膊头上）只公仔，佢以为係玩具，然后不停锡我，仲锡甩咗我只耳环，好彩佢无食到。每次人宠场谢票我都好开心，好似被一大班天使围住，原本去到尾站我有啲攰，但见到佢哋，我又充满力量。」
电影票房报捷，Amy非常开心，说：「衷心多谢支持香港电影。我最近去咗好多不同场次谢票，比较特别嘅有『口述映像』和『人宠共融』，即係主人带埋狗狗一齐入戏院睇戏。每次一入到人宠场谢票我都好感动，因为大部份观众都有养狗狗，所以佢哋感受特别深，入场见到个个观众睇完都眼红红。佢哋仲同我哋讲，多谢拍咗呢部电影，好感动。」又说：「我见到好多天使喺我哋身边，好多好似『悦娜』（Amy戏中角色）嘅动物义工，好多心地好好嘅人喺呢个世界上。所以我希望更多人入场支持呢部电影，感受多啲，无论人与人之间嘅关係，甚至动物义工面对嘅生活问题，佢哋心态真係好强壮、有好好嘅灵魂和爱心。」Amy越讲越感动，又讲到眼红红了。
