麦长青率领黄智贤、曹永廉、唐文龙于去年组成「区区有叔叔队」参加由李思捷主持及监製嘅《思家大战》，对战由甲一篮球队香港东方球员组成嘅「香港东方」队。麦长青、黄智贤、曹永廉、唐文龙连同李思捷更喺去年年初一倾情演绎2023版《祝福你》，获得满满好评，被网民大讚。据悉，5位即将组成男子组合「Hey Brother」，暂时已录製多首歌曲；虽然5位成员平均年龄55岁，但风趣又唱得，人气有望超越Super Tiger及LOONG 9。不过都有部分网民对于呢个组合嘅出现感到不解：「仲叔叔，呀伯都黎紧」、「成班就嚟$2车」等等，有网民回应「$2车」言论，表示：「有一个已经係，睇落去最后生嗰个（曹永廉）」。
5人早前已为新歌到广州拍摄海报及MV，喺拍摄过程中，佢哋近乎头贴头咁抱紧对方。此外，日前（18日）为麦长青56岁生日，其余4兄弟都有应邀出席佢喺广州举行嘅生日派对，仲搭晒膊头影大合照，老友鬼鬼。
按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
