Jellycat毛公仔有食物、动物、植物等等嘅造型，喺各地都好受欢迎。至于「港版Jellycat」都唔执输，就係医学博物馆推出嘅器官造型锁匙扣，成日被抢购，要密密补货呀。
医学博物馆有超过60款以身体器官做主题嘅锁匙扣，包括心、肝、脾、肺、肾，最热门嘅就係子宫造型锁匙扣，每个卖38蚊。由于太受欢迎，博物馆仲实施限购政策，每人每款式最多买2个锁匙扣，每人总共最多买10个锁匙扣。除咗锁匙扣，仲有一系列嘅纪念品，包括贴纸、明信片、散纸包、帆布袋等等。
推出多款圣诞版挂饰医学博物馆仲特别推出圣诞版子宫挂饰，今日开始限量发售，另外仲有圣诞神经细胞、绿色抗体、雪花红细胞、雪人白细胞、金色心脏、圣诞感冒、圣诞流感、圣诞胃痛、大肠桿菌、圣诞疱疹等等。
原文刊登于 AM730 https://www.am730.com.hk/本地/ray-online-港版jellycat-医学博物馆器官锁匙扣被抢购-争相买-子宫-/513904?utm_source=yahoorss&utm_medium=referral
其他人也在看
